E.

Epythaphia ducum Slezie.
Et primo ducis Bolezlai, qui fuit fundator
cenobii Lubensis et dominus tocius Slezie.

Anno Domini 1201, 7. Idus Decembris (1201 Dez.1. ) obiit illustris dux et princeps egregius Bolezlaus altus dictus, fundator cenobii Lubensis".

Et isti versus scripti in tumba eius in Lubens in choro ante summum altare.

Dux Bolezslaus, honor patrie,
virtute deinceps Cui par nullus erit
per regna Polonica princeps,
Conditur hoc loculo, locus a quo
conditus iste, Demonis ara prius,
tua transit in atria, Christe.

9. Kal. Marcii (Febr 21.) obiit domina Christina uxor eiusdem fundatoris secunda.

Anno Domini Millesimo . . . . . . . . 4. Nonas Junii (1162 Jun. 2) obiit dux Wladizlaus Cracovie, Gnezdne, Syrazye, Kalisie et Slezie dominus et pater fundatoris Bolezlai supradicti.

8. Kal. Septembris (Aug. 25.) obiit domina Adilheidis uxor eius, filia imperatoris Henrici IV.

16. Kal. Feb. (Jan. 17.) obiit domicellus Conradus dux Glogowie, filius eius, frater fundatoris predicti.

15. Kal. Aug. (Jul. 18.) obiit Bolezlaus filius secundus Bolezlai fundatoris, preparatus ad miliciam.

3. Nonas Julii (Jul. 5.) obiit Conradus tercius filius eiusdem fundatoris.

6. Idus Marcii (März 10.) emartus filius Johannes infans, filius eiusdem fundatoris, et in Porta est sepultus.

5. Kal. Julii (Juni 27.) obiit domicella Obliga, prima filia fundatoris nuptura.

5. Ydus Aprilis (1241 Apr. 9.) occubuit Bolezlaus in prelio Thartharorum, filius domine Adelheydis filie fundatoris, et marchionis Morawie Dypoldi, qui iacet sepultus in choro comversorum in Lubens.

15. Kal. Sept. (1231 Aug. 18.) obiit Gneznensis et Poznaniensis Wlodislaus dux exul, filius Mesichonis monarchi Cracowie primogenitus, frater Odonis.

Anno Domini 1237 (1238. März 19.) illustris princeps tocius Slezie, Cracowie, Poznanie, Zantochie et Lubusie dux Henricus primus dictus cum barba, cuius uxor fuit beata Hedwigis, qui fuit quintus filius Bolezlai Alti fundatoris Lubensis, obiit 14.Kal. Aprilis.

Anno Domini 1241, 5. Idus Aprilis (1241 Apr. 9.) occubuit dux Henricus secundus, filius Henrici supradicti cum barba, occisus a Thartharis in bello Wolstat prope Legnitcz, sepultusque est in Wratislavia in claustro fratrum minorum aput S. Jacobum.

Anno Domini 1243, 7. Idus Oct. (1243 Okt. 9.) mater iam dicti Henrici beata Hedwigis migravit de hoc seculo.

Anno Domini 1266, 8. Kal. Dec. (1266 Nov. 24.) fuit chononizata beata Hedwigis per dominum papam dementem IV.

10. Kal. Apr. (März 23.) obiit domicella Sophia, ducis Henrici cum barba et sancte Hedwigis filia.

5. Idus Maii (März 11.) obiit domicella Agnes secunda filia eorum.

4. Idus Sept. (Sept. 10.) obiit domicellus Bolezlaus primogenitus eorum.

2. Nonas Sept. (Sept. 4.) obiit Cunradus tercius filius eorum.

8. Idus Dec. (Dez. 6.) obiit domina Gerdrudis tercia filia eorum, abbatissa in Trebnitz.

Anno Domini millesimo . . . . . . . . (1279 Jan. 17) obiit Bolezlaus filius Henrici occisi a Thartharis, qui dictus. fuit Calvus sive Mirabilis, sepultusque est aput Predicatores in Legnitz.

Anno Domini 1259 (1259 Dez. 21.) obiit domina Hedwigis uxor eiusdem ducis Bolezlai Legnitzensis, filia comitis de Anhalt, 12. Kal. Januarii.

Hii fuerunt duces Wratislawienses.

Anno Domini millesimo . . . . . . . . Nonas Decembris (1266 Dez. 5.) obiit veneno inclitus dux Wratislawiensis Henricus tercius, secundus filius secundi Henrici occisi a Thartaris.

Anno Domini 1290, 11. Kal. Aug. (1290 Jun. 23.) obiit dux Wratislawiensis Henricus quartus, qui dictus est probus, filius tercii Henrici. Hic similiter a consiliariis suis veneno interemptus est. Et sepultus est Wratislawie ad S. Crucem, quam ecclesiam ipse fundavit. Et decessit absque liberis.

Anno Domini 1296, 8. Kal. Marcii (1296 Feb. 22.) obiit Henricus quintus dux dictus ventrosus, Legnitzensis, postea vero propter probitatem electus Wratislawiensis. Hic fuit filius Bolezlai calvi sive mirabilis.

Anno Domini millesimo (1335 Nov. 24.) obiit Henricus sextus Wratislawiensis dux. Hic resignavit terram Wratislawiensem regi Bohemie, eo quod non habuit filios. Et hoc fecit in odium fratris sui Bolezlai Brigensis. Et idem Henricus fuit filius Henrici quinti dicti ventrosi.

Anno Domini 1352, 11. Kal. Maii (1352 Apr. 21.) obiit Bolezlaus Legenitzensis et Brigensis, filius Heynrici ventrosi. Qui multum fuit largus, ymmo plus dici potuit prodigus quam largus. Sepultusque est in Lubens in capella quam ipse fundavit et eam sollempniis redditibus dotavit.

Anno Domini 1322, 6. Idus Aprilis (1322 Apr. 8.) obiit Margaretha uxor eius, filia Wenzeslai regis Bohemie.

Isti fuerunt duces Glogowie.

Anno Domini millesimo (1273.) . . . . . . . . . . obiit Cunradus dux Glogowie, filius Henrici secundi occisi a Thartaris, uxorem habens Salomeam filiam ducis Polonie. Sepultusque est in summo prope Glogaw, quem ipse fundavit. Uxor vero sepulta est ibidem aput Predicatores.

Anno Domini 1289, 4. Kal. Marcii (1289 Feb. 26.) occubuit illustris princeps dominus dux Premizl Stinaviensis, filius Cunradi ducis Glogowie tercius, in bello in Seuer opido episcopi Cracovie juxta Bytom, ubi eum revertentem de Cracowia cum exercitu Heynrici ducis probi Wratislawiensis Poloni Kalisienses nudatum et spoliatum armis, stantem coram ipsis iuvenculum ut agnum gladiis et hastis crudeliter peremerunt. Iste processurus ad eundem infortunatum eventum tamquam presenciens ipsum sacramentis ecclesiasticis se preparavit, testamentumque ordinans, duas villas Lossossewitz et Syrcow in Lubens contulit et ibi sepulturam elegit.

Anno Domini 1304, 5. Idus Oct. (1304 Okt. 11) obiit Cunradus dux Slezie et dominus Sagani ac prepositus S. Johannis in Wratislawia, qui et Korbirlin dictus. Hic fuit filius Cunradi primi Glogowiensis. Sepultusque est in Lubens.

Anno Domini 1309, 5. Idus Dec. (1309 Dez. 9.) obiit inclitus dominus dux Henricus dux Glogowie, filius Cunradi predicti. Hic habuit uxorem Mechtildam, filiam ducis de Brunzwik. Qui ambo similiter sepulti sunt in Lubens.

Anno Domini millesimo (1342 Jan. 22.) . . . . . . . obiit Heynricus dux Saganensis dictus fidelis, filius Henrici Glogowiensis predicti, uxorem habens Mechtildem filiam marchionis Brandenburgensis. Sepultusque est in Sagano aput regulares canonicos.